Ezan-ı Muhammedî

Emr-i bülendsin ey ezan-ı Muhammedî,
Kâfî değil sadâna cihân-ı Muhammedî.

Gök nûra gark olur nice yüz bin minareden,
Şehbâl açınca rûh-i revân-ı Muhammedî.

Sultan Selim-i Evvel'i râm etmeyip ecel,
Fethetmeliydi âlemi şân-ı Muhammedî.

Ervâh cümleten görür Allahü Ekber'i,
Akseyleyince Arş'a lisân-ı Muhammedî.

Üsküp'de kabr-i mâder'e olsun bu nev-gazel,
Bir tuhfe-i bedi ü beyân-ı Muhammedî...