Sayesi düşmez yere bir böyle nahl-i Tûr'sun
Mihr-i âlem-girsin başdan ayağa nûrsun
Tarik-i gülzâr-ı âlem mâlik-i mülk-i adem
Münkirîne nahz-ı mâtem mü'minîne sûrsun
Sensin ol şâh kim Süleymanlar kapında mûrdur
On sekiz bin âleme hükmetmeğe me'mûrsun
El benim dâmen senin ey rahmeten li'l-âlemin
Şöhretim isyan benim sen afv ile meşhûrsun
Padişah-ı evvelin ü kıblegâh-ı âhirin
Evvel ü âhir imâmu'l enbiya mezkursun
Ya Resûlallah umarım diyesin rûz-ı cezâ
Gerçi cürmüm çoktur ammâ, Itrî'ye mağfûrsun
5.03.2009
Kaydol:
Kayıt Yorumları (Atom)
Hiç yorum yok:
Yorum Gönder